Tarihin Aminu Muhammad Ahmad (Aminu Saira)

Aminu Muhammad Ahmad wanda aka fi sani da Aminu Saira, an haife shi a ranar 20 ga watan Afrilun shekarar alif 1979 ɗan wasan fina finan Hausa ne na Nijeriya, darekta kuma marubucin labarina.

Mutane suna kallon shi a matsayin mai son kawo sauyi a masana’antar shirya finafinai ta Kannywood, sannan kuma kyakkyawan abin koyi ne ga sauran taurarin finafinan Hausa kasancewar shi mai ladabi ne, mai wayewa da tarbiyya.

Ɗaukakar Aminu Saira ta kuma Bayyana a masana’antar fina-finan Hausa bayan fitowar finafinan sa Jamila Da Jamilu a shekarar 2009, Ga Duhu Ga Haske a 2010 da kuma Ashabul Kahfi a 2014, wanda hakan ya ba shi lambobin girmamawa da kyaututtuka da dama ciki har da Babban Darakta na Shekarar wato:

• Jurors Choice Awards, a cikin shekarar 2014.

Bayan fitowar fim ɗin Ashabul Kahfi, Saira ya fara aikin kaddamar da jerin bidiyon Hausa (Hausa Series) na farko a tarihin masana’antar finafinan Hausa, mai Suna Labarina, wadda a yanzu Shine ne fim din gida mafi kyau a Kannywood.

Fim ɗin Ashabul Kahfi da Baya Da Ƙura sune fina-finai biyu da suka fi kawo kuɗi, A shekarar 2016, Aminu ya zama fitaccen daraktan Kannywood a kowane lokaci kuma wanda kamfanin sa ya fi biya a tarihin masana’antar fim ta Kannywood.

RAYUWAR AMINU SAIRA:

An haifi Aminu a Gwammaja, jihar Kano, dake Nigeria.

Aminu ya girma a cikin garin kano tare da kannen sa guda biyu wadanda dukkanin su na masana’antar ta Kannywood kuma ya samu karatun sa na firamare da sakandare da kuma manyan makarantu a Kano.

Yayi karatun Al-Qur’ani a kwalejin Aminu Kano Islamic and Legal Studies, Kano. Aminu ya bar aikinsa na dan kasuwa ya shiga masana’antar shirya fina-finai ta Kannywood a shekarar alif 2006 tare da fim dinsa na farko mai suna Musnadi wanda ya girgiza masana’antar.

Aminu Saira shi darakta ne, marubuci kuma furodusa a shirin Dare Da Yawa wanda aka shirya a 2007, da Jamila Da Jamilu wanda aka shirya a 2009, da kuma wanda ya fi so Ga duhu Ga Haske wanda aka shirya a 2010, wanda ya fito ba’a Musulmi ba daga baya kuma yakarɓi addinin musulunci.

Ya ci gaba da rubutawa da kuma ba da umarni fina-finai gami da Hausa Series na na farko kuma daya daga cikin ingantattun jerin fina-finan Hausa wato Labarina karkashin sunan sa, wato Saira Movies.

TASIRIN SA A KANNYWOOD

Kyakykyawar Rayuwar Aminu Saira ta sanya shi zama cikakken mutum a cikin masana’antar fim ta Kannywood.

• Hadiza Aliyu (Gabon) ta bayyana Aminu Saira a matsayin fitaccen jarumin ta.

• Haka kuma Nafisa Abdullahi ta bayyana shi a matsayin daya daga cikin masu yi mata nasiha.

Tasirin sa ya karu a cikin masana’antar fim bayan fitowar fim din sa mai suna Sarauta a shekarar 2011, wanda ya karawa Ali Nuhu ƙima a harkarsa ta fim, sannan daga baya ya ci gaba da jan ragamar sa bayan fitowar fim ɗin Daga Ni Sai Ke da ‘Ya Daga Allah a shekarar 2014.

LAMBOBIN YABON DA AMINU SAIRA YA SAMU

N	Shekara	Girmamawa	Sassa	Fim	Sakamako
1	2013	Entrepreneurship Award	Best Diractor	Special Recoganition	Won
2	2013	Kannywood/ AMMA/Award	Best movie Diractor	Ɗakin Amarya	Won
3	2014	1st Kannywood Aword	Best Director of the Year (Jurors Choice Awards)	Wata Huɗu	won
4	2014	Kannywood/ AMMA/Award	Best Director (Popular Choice Awards)	Ali Yaga Ali	Won
5	2015	2nd Kannywood/ Mtn Awards	Best Director of the Year (Jurors Choice Awards)	Ashabu Khafi Da Ali Yaga ali	won
6		Kannywood/ AMMA/Award	Best Director (Popular Choice Awards)	Baya Da Ƙura	won

WASU DAGA DAGA CIKIN FINAFINAN AMINU SAIRA